لاتسألوني..واسألوها من متى ماكلمتني؟؟
وصدقوني لو سألتوا أدري ماينفع معاها
من يصدق كيف غابت عن عيوني وهجرتني
مخطيه والله يعلم لوتجي بدمح خطاها
غاليه..والشاهد الله من غلاها ولعتني
ومن بعد ماولعتني..احرمتني من غلاها
وقلت يمكنها اتغلا مثل ماهي امعودتني
تحرق اعصابي وترجع..كل ماربي هداها
ليه وش ذنبي بدون أسباب هالمره نستني
ماني متحمل جروحي وزود اجروحي قساها
أذكر إنها حذرتني بكم كلمه واسألتني
وش مصيرك لوتركتك وسط هالدنيا وغثاها..!؟
كانت تلمح لحاجه ومن بعدها حلفتني
إني لاغابت أغيب وأنسى لوقلبي بغاها
ليتها قبل الرحيل إبكل صراحه فهمتني
هي ظروف الوقت وإلا شخص ولعها وخذاها..؟؟
ماهقيت إني أبتعب لين راحت وتركتني
ولين قلبي قال:هذي مالي محبوبه سواها
من يلوم القلب فيها لو يقول إنها فتنتني
دام لاجات إتباها قال من حقها إتباها
من حلاها ماكذبت إن قلت تسحر وسحرتني
ولوتمرقدام عيني..زر عقلي من حلاها
ليه قالتلي(أحبك)؟ ليه فيها
حببتني؟
مادرت إنها بكلمة علقتني في سماها
من كثر ماكنت أحبها لوثواني قاطعتني
إبلا شعور أسأل عليها وأقلب الدنيا وراها
علموها كيف صارت دنيتي من هملتني
قولولها إني أموت وكاره الدنيا بلاها
وذكروها بكل كلمه من شفاها ضيعتني
ماكفاها..ماجرالي..إسألوها ماكفاها..؟
مابقالي غير(صورة) فالبعاد وعذبتني
من أطالعها تضيع العين في ضحكة شفاها
ومابقالي غير(ساعة)منها يوم ذكرتني
بعيد ميلادي وصارت تحسب الوقت إللقاها
لوصحيح إنها تبيني ماتمادت وخسرتني
ولو صحيح إنها تحبني ماتخلت عن هواها
السهر عذب عيوني..والقصايد دمرتني
وكل حرف بهالقصيده يشكي الحال وعناها
ليتها تفهم كلامي لاوصلها وإسمعتني
وليتها ترحم حبيب لو تناست مانساها
م : ن
الرئيسية 
الأحد مارس 22, 2009 6:38 pm
